Үкіметтің бірқатар шешімдеріне өзгерістер енгізілуде

«Қазақстан Республикасының кейбір заңнамалық актілеріне инновацияларды ынталандыру, цифрландыруды дамыту, ақпараттық қауіпсіздік және білім беру мәселелері бойынша өзгерістер мен толықтырулар енгізу туралы» ҚР Заңымен Азаматтық кодекске өзгерістер енгізілуде. 

Онда «қайтыс болу туралы куәлік» тіркесі «қайтыс болу туралы куәлік немесе хабарлама» деп ауыстырылды.

Осыған байланысты «Қазақстан Республикасы Үкіметінің кейбір шешімдеріне өзгерістер енгізу туралы» Үкімет қаулысының жобасы әзірленді. Олар төменде көрсетілген қаулыларға қатысты:

- «Әскери қызметші әскери қызмет өткеру кезеңінде немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу қағидаларын бекіту туралы»;

- «Әскери қызметшілерге, арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне, сондай-ақ арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдарға және Қазақстан Республикасының Ішкі істер органдарында медициналық лауазымдары қысқартылған адамдарға зейнетақы төлемдерін тағайындау және оларды жүзеге асыру қағидаларын бекіту туралы лауазымы қысқартылған кезде кемінде он екі жыл және алты ай үздіксіз әскери қызмет өткерген 2022 жылғы 1 шілдеден және 2023 жылғы 1 қаңтардан бастап, тергеу изоляторлары мен қылмыстық-атқару (пенитенциарлық) жүйесі мекемелерінде орналасқан медициналық ұйымдарда жұмысын жалғастырған жағдайда, арнаулы мемлекеттік және құқық қорғау органдарындағы, мемлекеттік фельдъегерлік қызмет туралы;

- «Бітімгерлік операция кезеңінде азаматтық персонал қатарындағы адам қаза тапқан (қайтыс болған), сондай-ақ бітімгерлік операцияға қатысу нәтижесінде мертігуі (жаралануы, жарақаттануы, контузия алуы), ауруы салдарынан қаза тапқан (қайтыс болған), мүгедектік белгіленген немесе мертіккен (жараланған, жарақаттанған, контузия алған) жағдайларда біржолғы өтемақы төлеу қағидаларын бекіту туралы».

Үкімет қаулысы жобасының толық мәтінімен «Электрондық үкімет» порталының «Ашық НҚА» бөлімінде осы жылғы 3 тамызға дейін сілтеме бойынша танысуға болады: https://legalacts.egov.kz/npa/view?id=14157897 

• 20.07.2022
• 313