Қазақстан мен Францияның атом энергетикасын дамыту саласындағы ынтымақтастығы туралы

ҚР ҰЯО РМК бас директоры Эрлан Батырбеков ҚР Энергетика вице-министрі Ж.Д. Нұрмағанбетов бастаған қазақстандық делегация құрамында Франция Энергетика министрлігінің және Қаржы министрлігінің өкілдерімен жұмыс кездесулеріне қатысты. EDF, CSFN, Nuclear Valley, ANDRA және CURIUM компанияларының өкілдерімен кеңес өткізілді.

Кеңес пен жұмыс кездесулерінде Қазақстан мен Францияның атом энергетикасы және жалпы атом саласын дамыту жөніндегі ынтымақтастығының түрлі аспектілері талқыланды. EDF компаниясының өкілдері Францияның атом саласының қазіргі жай-күйі мен даму перспективалары, бейінді ғылыми-техникалық және өндірістік кәсіпорындардың қазіргі және перспективалық мүмкіндіктері туралы айтты.

Жақын күндері Flamanville 3 АЭС құрылысы алаңына бару, РАҚ-ты басқару жөніндегі ANDRA француз компаниясының инфрақұрылымымен танысу, сондай-ақ ITER халықаралық термоядролық эксперименттік реакторының құрылыс алаңына бару жоспарлануда.

• 21.07.2022
• 263