Сарысу ауданы тұрғындарымен кездесу

Мемлекет басшысының «Әкімдердің халықпен кездесулерін өткізу туралы» Жарлығына сәйкес облыс әкімі ретінде жергілікті тұрғындармен кездесулерім бекітілген кесте бойынша жалғасуда.

Сарысу ауданына жұмыс сапарымен барып, Жайылма ауылдық округінде және Жаңатас қаласында халықпен кездесулер өткіздім.

Облыстық құқық қорғау органдарының және салалық басқармалардың басшылық өкілдері де қатысқан басқосу барысында тұрғындар тарапынан көптеген сауалдар қойылды. Олардың басым бөлігі ағын су, таза ауыз су тарту, көпір салу, шабындық, жайылым тапшылығы, мектеп құрылысы, тұрғын үй кезегі, инфрақұрылым, абаттандыру, газдандыру, жол, жарықтандыру, жастар тәрбиесі, спорт кешенінің қажеттілігі секілді мәселелерді қамтыды.

Аудан орталығы мен Жайылма ауылында бүгінге дейін атқарылған жұмыстар аз емес. Десек те, шешімін күткен мәселелер де баршылық. Олар бойынша жауапты тұлғаларға нақты тапсырмалар жүктелді.

Кездесулерден соң азаматтарды жеке мәселелері бойынша қабылдаулар өткіздім. Барлық өтініштер назарға алынады. Дегенмен, біз жауапкершіліктің екі жақтан бірдей болу керектігіне де көңіл бөлуге тиіспіз.

Жаңа қоғам құруда жетістікке жеткізіміз келсе, онда әркім өзгерісті өзінен бастау керек!

Мемлекет басшысы айтқандай әрбіріміз заңды қатаң сақтап, тәртіпке бағынғанда ғана, еліміз тұрақты дамуды бастан кеше алады.

Жергілікті атқарушы органдар тарапынан атқарылған жұмыстарға, бастамалар мен жоспарлы жобаларға халық тарапынан қолдау, сенім болған жағдайда нәтижеге қол жеткіземіз. Ортақ түсінік – бәрінен маңызды.

• 25.07.2022
• 248