Имидждік жобалардан бұрын Тараздың қордаланған мәселелерін шешуге басымдық береміз

2022 жылдың 6 айындағы даму қорытындысына арналған брифингте аймақ басшысы ретінде Тараз қаласын дамыту жоспарына ерекше тоқталдым. 

Ендігі кезекте басымдық имидждік жобаларға емес, өзекті мәселелерді кезең-кезеңімен және кешенді түрде шешуге берілетінін атап өттім. 

Облыс орталығының ирригациялық жүйелерін қалпына келтіру және дамыту жөніндегі жұмыстар іс-шаралар жоспары шеңберінде алдағы 3 жыл бойы жүргізілетінін жеткіздім. 

Ағымдағы жылы 6 негізгі каналды механикалық тазалау жұмыстары басталған. Тараз қаласының кәріз тазарту жүйесінің мәселесін шешу үшін инвесторлармен келіссөздер жүргізілуде.

Сонымен қатар 15 шағын аудандағы инженерлік инфрақұрылым желілерін кеңейтуге ерекше көңіл бөлінуде.

Ағымдағы жылы тұрғындардың өтінішін ескере отырып, 23 ауланы абаттандыру барысында аула алдындағы көлік тұрағын, кіреберіс жолды, жаяу жүргіншілер жолағы мен балалар ойын алаңшаларын қамту туралы шешім қабылданды.

• 25.07.2022
• 273