Павлодар облысының әкімі азаматтардың жеке қабылдауын өткізді

Аймақ басшысы көпбалалы аналар мен «ҚР Қызыл айы қоғамы» ҚБ-ің төрағасын қабылдады.Облыс тұрғындары арендалық тұрғын үй беру, сонымен бірге Қоғамның жергілікті атқарушы органдармен әріптестігі мәселелері бойынша сұрақтар қойды. 

Көпбалалы аналар Т.Исина мен Г.Омарова 2019 жылдан бері тұрғын үй кезегінде тұр. Олар бала күтіміне байланысты декреттік демалыста. Қазіргі кезде екі азаматша арендалық үйді субсидиялау бағдарламасы бойынша көмек алушылар тізіміне енгізілді. Кездесу барысында Т.Исина мен Г.Омарова облыс әкіміне мемлекеттік арендалық үй беру бойынша көмектесуін сұрады.   

Әбілқайыр Сқақов Павлодар қаласының әкімі мен «Отбасы банк»-ің облыстық филиалының директорына түсіндіру жұмыстарын жүргізіп, ҚР Заңына сәйкес арендалық тұрғын үйді субсидиялау мәселесін шешуді тапсырды.  

2022 жылдың басынан бері «Көпбалалы отбасылар» санаты бойынша тұрғын үй кезегінде 1594 адам тұр, олардың 117-і арендалық үймен қамтамасыз етілді.

Қызыл айдың облыстық филиалының төрайымы Гүлнәр Исаканова қордың қызметі туралы айтып, жоспарларымен бөлісті. Өткен жылдан бастап облыстың барлық қалалары мен аудандарында мобильді еріктілер топтары қызмет етеді. Олар адамдарға кеңес беріп, төтенше жағдайлар кезінде гуманитарлық көмек көрсетеді. Биыл Қоғам 85-жылдығын атап өтеді.   

Әбілқайыр Сқақов ақпарат және қоғамдық даму, білім беру басқармаларының басшыларына мерейтойлық шараларды өткізу барысында көмек көрсетіп, үкіметтік емес ұйымдардың әлеуметтік маңызы бар бастамаларына қолдау көрсетуді күшейтуді тапсырды. 

• 25.07.2022
• 261