Әскери оркестрлердің қызметін ұйымдастыру қағидалары бекітіледі

Қазақстан Республикасы Қарулы Күштері әскери оркестрлерінің, әскери дирижерлері мен мәдени-демалыс орталықтарының музыканттарының қызметін ұйымдастыру қағидаларын бекіту туралы Қорғаныс министрі бұйрығының жобасы қоғамдық талқылауға шығарылды.

Аталған нормативтік құқықтық құжатта әскери оркестрлердің қызметін жоспарлау, дирижерлерді, музыканттарды арнайы даярлау және шығармашылық ұжымдардың жоғары орындаушылық шеберлігін қамтамасыз ету міндеттері, олардың репертуары мен әскери қызметшілерді әскери-патриоттық тәрбиелеудегі рөлі регламенттеледі. 

Бұйрық жобасының толық мәтінімен «Электрондық үкімет» порталының «Ашық НҚА» бөлімінде осы жылдың 9 тамызына дейін мына сілтеме бойынша танысуға болады: https://legalacts.egov.kz/npa/view?id=14166302 

• 27.07.2022
• 225