Архимед Мұхамбетов жұмыс сапары аясында Ұзынкөл ауданына барды

Сапар барысында өңір басшысы "Тойсай" ЖШС егіс алқаптарын аралады. Аталмыш шаруашылықта биыл егін жинау алаңы 25,2 мың га құрайды, сондай-ақ қожалық 1,2 мың тонна минералды тыңайтқыш, 130,2 тонна элиталық тұқым сатып алған.

Содан кейін ол "Тойсай" ЖШС сүт-тауар фермасына барды. Мұнда сүт-тауар фермасын кеңейту бойынша жоба іске асырылуда. Фермада сүт бағытындағы 1 080 бас, оның ішінде 509 сауын сиыры бар.

Бұдан кейін облыс әкімі Новопокров жалпы білім беретін мектебіне бас сұқты. Ағымдағы жылы "Ауыл – Ел Бесігі" бағдарламасы шеңберінде 272,7 млн.теңге сомасына мектепке күрделі жөндеу жүргізіліп жатыр.

Сапар қорытындысы бойынша Архимед Мұхамбетов аудан әкімі Азамат Аужановқа өңірдің одан әрі әлеуметтік-экономикалық дамуы бойынша жұмысты қамтамасыз етуді тапсырды.

• 12.08.2022
• 115