ҮЕҰ сыйлықақысының өтінімдерін қарау жөніндегі жұмыс тобының құрамына сарапшылар керек

2022 жылғы 1 қыркүйекте Ақпарат және қоғамдық даму министрлігі ҮЕҰ-ға арналған сыйлықақыны ұсыну конкурсына үкіметтік емес ұйымдардан өтінімдерді қабылдауды аяқтайды.
Осыған байланысты, бүгінгі күні ҮЕҰ өтінімдерін қарау үшін әлеуметтік маңызы бар 15 бағыт бойынша жұмыс істейтін ҮЕҰ, БАҚ, қоғам қайраткерлері, сарапшылар, мемлекеттік органдар өкілдерінен (1-кезең) жұмыс тобы құрылуда:
1) білім беру, ғылым, ақпарат, дене шынықтыру және спорт саласындағы мақсаттарға қол жеткізу;
2) азаматтардың денсаулығын сақтау, салауатты өмір салтын насихаттау;
3) қоршаған ортаны қорғау;
4) жастар саясаты мен балалар бастамаларын қолдау;
5) отбасылық-демографиялық және гендерлік мәселелерді шешуге жәрдемдесу;
6) халықтың әлеуметтік тұрғыдан осал топтарын қолдау;
7) жетім балаларға, толық емес және көп балалы отбасылардағы балаларға көмек көрсету;
8) халықты жұмыспен қамтуды қамтамасыз етуге жәрдемдесу;
9) азаматтар мен ұйымдардың құқықтарын, заңды мүдделерін қорғау;
10) мәдениет пен өнерді дамыту;
11) тарихи-мәдени мұраны қорғау;
12) қоғамдық келісімді және жалпыұлттық бірлікті нығайту;
13) өздерінің есебінде тұрған адамдарға әлеуметтік-құқықтық көмек көрсету кезінде пробация қызметіне жәрдемдесу;
14) мемлекеттік қызметтер көрсету сапасына қоғамдық мониторинг жүргізу;
15) азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу.

Жұмыс тобына келесі тұлғалар өз кандидатураларын ұсына алады:
- ҮЕҰ, БАҚ, мемлекеттік органдар өкілдері, қоғам қайраткерлері;
- жоғарыда көрсетілген бағыттардың бірі бойынша кемінде 5 жыл жұмыс тәжірибесі бар;
- жоғары білімі және/немесе ғылыми дәрежесі бар;
- ҮЕҰ үшін сыйлықақы алуға үміткер болып табылмайтын тұлғалар.

ü барлық кандидатуралар міндетті түрде жоғарыда көрсетілген талаптарға сәйкестігі мен мүдделер қақтығысының болуы тұрғысынан қаралатын болады.
ü жұмыс тобы мүшелерінің өтінімдерді қарауы 2022 жылғы 10-30 қыркүйек аралығында жүргізіледі;
ü сарапшылардың жұмысына ақы төленбейді және қоғамдық негізде жүргізіледі;
ü жұмыс тобы сарапшыларының қорытынды бағалары конкурстық комиссиямен қаралатын болады (2-кезең).
Егер Сіз белсенді азаматтық ұстанымға ие болсаңыз және жоғарыда көрсетілген талаптарға сәйкес келсеңіз, біз Сізді 2022 жылғы 22 тамызға дейін келесі құжаттарды ұсына отырып, қатысуға шақырамыз:
- жеке басын куәландыратын құжаттың көшірмесі;
- бағыт бойынша сарапшының біліктілігін растайтын дипломдардың, сертификаттардың көшірмелері;
- жұмыс берушінің қолы қойылған, мөрмен бекітілген үміткердің еңбек өтілін растайтын түйіндеме.
Тиісті бағытыңызды көрсете отырып, барлық құжаттарды ueu_syilygy@qogam.gov.kz электрондық мекен-жайға жолдауларыңызды сұраймыз (техникалық ақауларды болдырмау мақсатында құжаттарды жібергеннен кейін бізбен хабарласуды сұраймыз).
Толық ақпаратты келесі нөмірлер бойынша білуге болады: +7 (7172) 74 09 97, 74 05 11, 74 02 17.

• 16.08.2022
• 242