Мойынқұм ауданының жұртшылығымен кездесу

Президенттің Жарлығы аясында ҚР Ақпарат және қоғамдық даму министрі Асқар Омаров Мойынқұм ауданының тұрғындарымен кездесті.

Кездесу барысында А.Омаров Министрліктің іске асырған жобалары, атқарған жұмыстары мен негізгі міндеттері туралы айтып берді.

Кездесуде халық өзекті сұрақтар қойды. Мәселен аудандағы газ, ауыз су, ұялы телефон және интернет байланысы, жедел жәрдем, көп балалы аналардың жәрдемақысы мәселелері айтылды. Мәселен Қылышбай ауылынан келген зейнеткер Света Сәкиева жолды асфальттау, ұялы байланыс, ауыз су сапасының жайын жеткізді.

Мұнан бөлек, тұрғындар жастар жайы, орман ағашын пайдалану мәселелерін көтерді.

Асқар Омаров жергілікті жерде шешілуге тиісті мәселені аудан және облыс әкімдігі өкілдерімен бірге талқылады. Ал республикалық деңгейде қаралатын сұрақтарды тиісті органдарға жеткізетінін айтты.

Сапар қорытындысында Асқар Омаров бұқаралық ақпарат құралдарының өкілдеріне брифинг берді.

Сондай-ақ министр Мойынқұм аудандық мешітінде дін қызметкерлерімен кездесіп, “Мойынқұм таңы” газетінің жұмысымен танысты.

Азаматтарды жеке сұрақтары бойынша қабылдап, өтініштеріне құлақ түрді.

• 16.08.2022
• 293