Минскіге ТМД мемлекеттік резерв басшылары Консультативтік кеңесінің отырысына келдім

2022 жылғы 14 қыркүйекте Беларусь Республикасы Төтенше жағдайлар министрлігінің материалдық резервтер департаментінің бастығы Е.В. Бондарьдің төрағалығымен Минск қаласында (Беларусь Республикасы) ТМД-ға қатысушы мемлекеттерде мемлекеттік материалдық резервтерді басқаруды жүзеге асыратын органдар басшылары консультативтік кеңесінің XVIII отырысына қатыстым.

Іс-шараға Беларусь, Қазақстан, Ресей Федерациясы, Армения, Қырғызстан, Тәжікстан мемлекеттік резервтерінің басшылары, сондай-ақ ТМД Атқарушы комитетінің өкілдері қатысты.

  Отырыс барысында мемлекеттік материалдық резервтер органдары ынтымақтастығының өзекті мәселелері талқыланды. Атап айтқанда, Консультативтік кеңес мүшелері 2018-2022 жылдары мемлекеттік материалдық резервтер жүйесін ғылыми-техникалық дамыту, кадрларды қайта даярлауды және біліктілігін арттыруды ұйымдастыру саласындағы ТМД-ға қатысушы мемлекеттердің базалық ұйымының қызметі туралы есепті мақұлдады.

  Отырыста Қазақстан Республикасының мемлекеттік материалдық резервінің материалдық құндылықтарын жаңарту тәсілдері туралы баяндама оқыдым.

  Сондай-ақ мемлекеттік материалдық резервтің Тәжікстан Республикасының ұлттық экономикасына әсер ету факторлары, Беларусь Республикасының жұмылдыру материалдық резервінің материалдық құндылықтарының сандық және сапалық сақталуын қамтамасыз ету жөніндегі операцияларды қаржыландыру тәртібі, Қырғыз Республикасындағы мемлекеттік материалдық резервтер жүйесін дамытудың басым бағыттары және т. б. мәселелер қаралды.

  ТМД елдерінің мемлекеттік резерв басшылары отырыс қорытындысы бойынша тәжірибе алмасуды жалғастыруға шешім қабылдады.

  2023 жылы Консультативтік кеңестің кезекті ХІХ отырысы Қазақстан Республикасында өтетінін атап өткен жөн.

• 14.09.2022
• 441