Жамбыл ауданында жол сапасы 64,4 %-ға жетпек

Алматы облысы Жамбыл ауданында жол сапасы айтарлықтай жақсарған Бүгінде аймақтағы автомобиль жолдарының жақсы және қанағаттанарлық жағдайдағы үлесі – 58,3 % құрады.

Негізінен аудан аумағында 24 ауылдық округ, 61 елді мекен бар. Өңір бойынша автомобиль жолдарының жалпы ұзындығы 1919,2 шақырым құраса, оның ішінде республикалық маңызы бар автомобиль жолдарының ұзындығы 331 км, облыстық маңызы бар – 594,3 км, аудандық маңызы бар – 79,0 км және ауылішілік автомобиль жолдарының ұзындығы 914,9 шақырымды қамтиды.

Үстіміздегі жылы аудандағы елді мекендердің жолдарын жөндеуге және күтіп ұстауға 1 023,0 млн. теңге бөлінген. Берілген қаражатқа 15 елді мекеннің ұзындығы 56,3 шақырым құрайтын 47 көшенің автомобиль жолдарына жөндеу жұмыстарын жүргізу жоспарланған.

Қарастырылған қаржды діттееген жеріне жетіп, жүйелі түрде игерілген. Оның бір дәлелі биыл Ұзынағаш ауылындағы 5 көшесі, Сарыбай би ауылының 2 көшесі, Қарақыстақ ауылының 1 көшесі, Қазыбек бек ауылының ұзындығы 5250 м құрайтын 4 көшесі, Қасымбек ауылының үзындығы 4950 м құрайтын 5 көшесі, Көкдала ауылының 3 көшесі толығымен жөндеуден өтті

Қазіргі уақытта Актерек ауылының ұзындығы 4420 м құрайтын Есдаулет, Қараш батыр, Рыскелды, Баймен сынды 4 көшесіне сондай-ақ, Шиен ауылының 3 көшесіне орташа жөндеу жұмыстары жүргізілуде.

Алдағы таңда қажетті қаражат бөлінген жағдайда Мәтібұлақ ауылының 2 көшесі, Дегерес ауылының 3 көшесі, Үмбетәлі ауылының 2 көшесі, Қарғалы ауылының 4 көшесі , Бозой ауылының 3 көшесі, Жамбыл ауылының 4 көшесі, Қараарша ауылының 1 көшесі, Бесмойнақ ауылының 1 көшесі, Ұзынағаш ауылының 6 көшесі жөндеумен қамтылатын болады.
Дегенмен жергілікті атқарушы орган жоғарыда көрсетілген нысандар бойынша бөлінген қаражат жөндеу жұмыстарын аяқтау үшін бүгінгі күнге жеткіліксіз екенін алға тартуда. Осыған байланысты аталған нысандар бойынша жұмыстарын аяқтау мақсатында Алматы облысының жолаушы көлігі жіне автомобиль жолдары басқармасына 1 167,6 млн. теңгеге бюджеттк өтінім берген.

Айта кетейік, жылдың соңына дейін жақсы және қанағаттанарлық жол үлесі қажетті қаржы бөлінген жағдайда 64,4 % болады деп күтілуде.

• 21.09.2022
• 233