Министрдің кездесуі

Министр Дархан Қыдырәлі Әлемдік және дәстүрлі діндер лидерлерінің VII Съезі аясында БҰҰ Өркениеттер Альянсының Жоғарғы өкілі Мигель Анхель Моратиноспен кездесті. Министр Моратинос мырзаға Әлемдік және дәстүрлі діндер лидерлері VII Съезіне қолдау көрсету үшін алғыс айтты. Бұған қоса Өркениеттер Альянсы бейбітшілік және өркениетаралық диалогқа зор үлес қосып жүрген беделді халықаралық институттардың бірі екенін атап өтті. Өз кезегінде Мигель Анхель Моратинос Съездің жоғары деңгейде ұйымдастырылғанын, бейбітшілікті, келісімді және дінаралық диалогты нығайтуға ықпал ететінін айтты. Сонымен бірге Дархан Қыдырәлі ЕҚЫҰ-ның Ұлттық қауіпсіздік істері жөніндегі Жоғарғы комиссары Қайрат Әбдірахмановпен кездесті. Тараптар этносаралық келісімді насихаттау мәселесіне тоқталып, алдағы уақытта бірлесе жұмыс істеу жайын сөз етті. Қайрат Әбдірахманов көпұлтты Қазақстанның бірлік пен бейбітшілікті нығайтудағы және интеграцияның инклюзивті саясатын жүргізудегі құнды тәжірибесіне тоқталды. 

• 21.09.2022
• 262