2021 жылдың қорытындысы бойынша Ғылыми кеңестің отырысы

2021 жылғы 22 желтоқсанда Қазақстан Республикасының Заңнама және құқықтық ақпарат Институтының директоры, Қазақстанның еңбек сіңірген қайраткері Сарпеков Рамазан Құмарбекұлының төрағалығымен онлайн-офлайн форматта Ғылыми кеңестің отырысы өтті.
Отырыста ғылыми мақалаларды екіжақты анонимді рецензиялауды өткізуге қатысатын "Қазақстан Республикасы Заңнама және құқықтық ақпарат институтының жаршысы" ғылыми-құқықтық журналының сыртқы рецензенттерінің сапалы жұмысы атап өтілді. Одан әрі жемісті ынтымақтастық тілей отырып, алғыс хаттар жолданды.
2021 жылға арналған іргелі және қолданбалы ғылыми зерттеулер бағдарламаларының орындалу қорытындылары тыңдалды және талқыланды. 2022 жылға арналған іргелі және қолданбалы ғылыми зерттеулер бағдарламалары бекітілді.
Ғылыми кеңес жұмысының қорытындылары қаралып, оның 2022 жылға арналған жоспары бекітілді.
Ағымдағы жұмыс көлемінің сандық мәнде өсуі байқалды. Ғылыми қызметті дамытудың одан арғы векторлары белгіленген. Институттың 2022 жылғы ғылыми-зерттеу және Заң жобалау жұмысының жоспары бекітілді.
Жүргізілген іргелі және қолданбалы ғылыми зерттеулер бойынша талдамалық есептер, ғылыми басылымдар, сондай-ақ оқу құралдары мен Қазақстан Республикасының Қылмыстық кодексіне түсініктеме мақұлданды және жариялауға ұсынылды.

• 27.09.2022
• 221