Ғылыми кеңес отырысы

2022 жылғы 27 сәуірде Қазақстан Республикасының Заңнама және құқықтық ақпарат Институтының директоры, Қазақстанның еңбек сіңірген қайраткері, заң ғылымдарының кандидаты Сарпеков Рамазан Құмарбекұлының төрағалығымен Ғылыми кеңестің отырысы өтті.
Институттың кадрлық құрамының өзгеруіне байланысты ғылыми кеңестің құрамынан Конусова Венера Тулеутаевна шығарылып, құрамына Сарсенов Айдар Маратович енгізілді.
Сондай-ақ, отырыста ғылыми құрылымдық бөлімшелер Нұрғазинов Бағдат Қабылқадырұлы, Финк Денис Александрович, Қайырбаева Лейла Копенқызы, Примашев Нұрзада Маханбетұлы, Сәрсенов Айдар Маратұлы 2022 жылғы 1-тоқсанда іргелі және қолданбалы ғылыми зерттеулер бағдарламаларының орындалу барысы туралы ақпараты тыңдалып, назарға алынды.
Ғылыми кеңестің төрағасы Сарпеков Рамазан Құмарбекұлы ғылыми жарияланымдарды дайындау барысында тұрғындар үшін жүргізіліп жатқан зерттеулерді жариялауды жандандыру және ықтимал оқырмандар мен зерттеушілердің тілдік ортасын есепке алу бойынша бірқатар нұсқаулар берді.
Сонымен қатар, ғылыми кеңес төрағасы институт сайтында және әлеуметтік желілерде ғылыми іс-шараларға қатысуды уақытылы жариялау, ғылыми ұсынымдарды практикалық іске асыру бойынша тұрақты негізде жұмыс жүргізу, сондай-ақ Институттың ғылыми-зерттеу және Заң жобалау жұмысының жоспарында көзделген іс-шараларды толық көлемде орындау қажеттігіне назар аударды.

• 27.09.2022
• 357