"Адолат" ұлттық құқықтық ақпарат орталығы өкілдерімен Онлайн кездесу

2022 жылғы 28 сәуірде Қазақстан Республикасының Әділет министрлігі мен Өзбекстан Республикасының Әділет министрлігі арасындағы 2021-2022 жылдарға арналған Ынтымақтастық Бағдарламасы шеңберінде ZOOM бейнеконференцбайланысын қолдана отырып, ҚР заңнама және құқықтық ақпарат институты өкілдерінің "Адолат"ұлттық құқықтық ақпараттық орталығы өкілдерімен онлайн-кездесуі өтті.
Аталған іс-шара тәжірибе алмасу және ынтымақтастықтың перспективалық бағыттарын жан-жақты талқылау үшін диалог алаңына айналды.
Іс-шараны "Адолат" ұлттық құқықтық ақпараттық орталығы директорының бірінші орынбасары Файзуллаев Омонулл Асатуллаұлы және заңнама және құқықтық ақпарат институты директорының орынбасары Жанғарашев Ролан Маратұлы ашты.
Онлайн-кездесудің модераторы "Адолат" ұлттық құқықтық ақпараттық орталығының заңды өңделген және бақылау жағдайына келтірілген құжаттарды тексеру бөлімінің жетекші консультанты Шәкіров Музаффар Муроджон озгли болды.
Іс-шараға "Адолат" ұлттық құқықтық ақпараттық орталығының өкілдері, директордың орынбасары Бахронов Шерзод Холмуродович, халықаралық ынтымақтастық бойынша жауапты қызметкер Носирова Зулайхо Эркинжонкизи қатысты. Кездесуге ҚР заңнама және құқықтық ақпарат институты тарапынан ақпараттық құқықтық жүйелерді қалыптастыру басқармасының басшысы Гаухар Жұмағалиқызы Оташева, конституциялық, әкімшілік заңнама және мемлекеттік басқару бөлімінің басшысы Бағдат Қабылқадырұлы Нұрғазинов, Халықаралық құқық және салыстырмалы құқықтану бөлімінің басшысы Лейла Көпенқызы Қайырбаева, Лингвистика орталығының басшысы Нұрзада Маханбетұлы Примашев, ғылыми құқықтық сараптаманы үйлестіру бөлімінің басшысы Нұрлымбаева Ләззат Ерланқызы.
Кездесу барысында тараптар бір-бірін өз ведомстволарының қызметі мен функцияларымен таныстырып, жұмыстың негізгі бағыттары бойынша ақпарат алмасты және одан әрі ынтымақтастықтың перспективаларын талқылады.
Кездесу қорытындысы бойынша Тараптар тығыз ынтымақтастыққа мүдделі екендіктерін растады.

• 28.09.2022
• 426