қала мен аудан әкімдерімен селекторлық кеңес

Бүгін қала мен аудан әкімдерімен селекторлық кеңес өткізіп, оның барысында облыстың ветеринарлық қызметінің 2020 жылдың 10 айындағы жұмысының қорытындыларын талқыладық.
Қолайлы эпизоотиялық жағдайды қамтамасыз ету мақсатында облыс аумағында аса қауіпті инфекциялардың 11 түріне қарсы және диагностикалық зерттеулердің 28 түрі бойынша жануарларды жоспарлы вакцинациялау, сондай-ақ энзоотиялық аурулардың 5 түріне қарсы алдын алу іс-шаралары жүргізілуде, нәтижесінде 5 млн-нан астам манипуляцияны құрайды.
Ағымдағы жылдың 10 айында аса қауіпті инфекциялар мен энзоотиялық ауруларға қарсы вакцинация бойынша 3 600 мың манипуляция жүргізілді, ветеринариялық зертханаларға диагностикалық зерттеулер үшін 826 мың сынама жолданды.
Сондай–ақ, кеңес барысында әлеуметтік маңызы бар азық-түлік тауарларының бағасын ұстап тұру бойынша қабылданып жатқан шаралар мәселесін қарастырдық.
Осылайша, облыс өз өндірісінің азық-түлік тауарларымен толық қамтамасыз етіледі.
Ағымдағы жылдың басынан бастап әлеуметтік маңызы бар азық-түлік тауарларына баға индексі 107,1%-ды құрады.
Әлеуметтік маңызы бар азық-түлік тауарларының бағасын тұрақтандыру тетіктерін іске асыруға 1432,0 млн.теңге бөлінді.
Әлеуметтік маңызы бар азық-түлік тауарларының қорлары қалыптастырылды, тұрақтандыру қорына 14 өнім атауы сатып алынды, бүкіл облыс аумағында сатылатын тауарлық интервенциялар жүргізілуде. Тұрақтандыру қоры үнемі толықтырылып отырады. 
Кеңес қорытындысы бойынша эпизодтық аурулардың таралуына жол бермеу бойынша белсенді жұмыс жүргізуді, сондай-ақ әлеуметтік маңызы бар азық-түлік тауарларының бағасын ұстап тұру бойынша тұрақты негізде іс-шаралар өткізуді тапсырдым.

• 23.11.2020
• 359