коронавирустық инфекцияның таралуына жол бермеу бойынша жедел штабтың кезекті отырысы

Коронавирустық инфекцияның таралуына жол бермеу бойынша жедел штабтың кезекті отырысын өткіздім.
Штаб отырысы барысында Рудный қаласының әкімін, сондай-ақ Қостанай, Алтынсарин және Әулиекөл ауданының әкімдерін тыңдадым.
Сондай-ақ, мониторингтік топтардың жұмысын қарастырдық.
Қазіргі уақытта 1045 рейд жүргізілді, 5440 нысан тексерумен қамтылды, оның барысында 935 бұзушылық анықталды, материалдар әкімшілік шаралар қабылдау үшін санэпидбақылау органдарына жіберілді.
Тек соңғы тәулік ішінде 53 бұзушылық анықталды, санитарлық- эпидемиологиялық бақылау органдары бұрын алынған материалдарды ескере отырып, айыппұлдар туралы 78 қаулы қабылдады.
Санитарлық-эпидемиологиялық аймақтық басқарманың жақсармай жатқанын және кәсіпкерлік субъектілерімен де, жеке тұлғалармен де бұзушылықтар азаймай отырғанын атап өткім келеді.
Мәселен, 1 қарашада күніне 13 жағдай тіркелді, ал 20 қарашада тәулігіне 72 КВИ жағдай тіркелді. Өсу өте көп. Біздің облыс Республика бойынша «қызыл аймаққа» кірді.
Осыған байланысты карантиндік шараларды 2020 жылдың 23-30 қараша аралығында тағы бір аптаға ұзартуға мәжбүрміз.
Құрметті қостанайлықтар, сіздерді КВИ таралуына жол бермеу бойынша барлық ұсынылған шараларды сақтауға шақырамын.
Эпидемиологиялық ахуал нашарлаған кезде неғұрлым қатаң карантиндік шараларды енгізу қажеттігі туындайды.

• 23.11.2020
• 226