Достық үйінде Медиация күніне орай «Бірыңғай республикалық медиация кабинеттерінің Ашық есік күні» акциясы өтті

2019 жылдың 5 тамыз Медиация күніне орай «Бірыңғай республикалық медиация кабинеттерінің Ашық есік күні» акциясы аясында Атырау облысы Қазақстан халқы Ассамблеясы, Атырау облысы «Қоғамдық келісім» КММ-нің ұйымдастыруымен Достық үйінде қоғамдық қабылдау өтті.

Шараның мақсаты: медиация ұғымын халыққа кеңінен түсіндіру және әр түрлі мәселелер бойынша халыққа қызмет көрсету.

Аталған іс-шараға «Нұр Отан» партиясының депутаттары, Атырау облыстық сот, билер алқасы, Аналар кеңесі, әділет органдары, «Қоғамдық келісім» мекемесінің қызметкерлері, кәсіби және кәсіби емес медиторлар қатысты.

Қабылдауды билер алқасының төрағасы Ғаббас Хисметуллин, Атырау облысы кәмелетке толмағандардың істері жөніндегі мамандандырылған ауданаралық сотының судьясы Ғизатолла Отарұлы, Атырау облысы кәмелетке толмағандардың істері жөніндегі мамандандырылған ауданаралық соттың кеңсе меңгерушісі Сәния Айдарова, адвокат, кәсіби медиатор Ырысты Ертілеуова, Атырау облысы құқықтық түсіндіру және халыққа заң көмегін көрсету бөлімінің басшысы Нүргүл Елубаева, Атырау облысы ҚХА хатшылығының меңгерушісі Гүлмира Шәкірова, «Қоғамдық келісім» КММ-нің басшысы Жаннат Доскалиева және мекеменің кәсіби медиаторы Көркемай Кәусова жүргізді.

Қабылдауға келген 10 тұрғын ажырасу,ортақ мүлікті бөлісу, алимент, бала, ене мен келін арасындағы кикілжің мәселелері бойынша сөз қозғады.

Аталған мәселелер бойынша келген тұрғындарға кеңестер берілді. Сонымен қатар бұл шараға барлық аудандар да атсалысып, осы бағыт бойынша бірқатар жұмыстар жүргізді. Шара соңында «Қоғамдық келісім» КММ-нің басшысы Ж.Досқалиева барлық қонақтарды медиация күнімен құттықтап, кәсіби медиатор Ы.Ертілеуоваға мекеменің Алғыс хатын табыстады.

Іс-шаралар барысында ҚХА «Жаңғыру жолы» республикалық жастар қозғалысы мүшелері медиацияны дамыту мәселелері бойынша қала, аудан тұрғындары арасында сауалнама жүргізді. Алдағы уақытта мұндай мағынасы зор шаралар жалғасын табатын болады.

• 23.11.2020
• 436