Біз экономикамызды әртараптандырып жатырмыз

Біз экономикамызды әртараптандырып жатырмыз. Азық-түлік қауіпсіздігін қамтамасыз етумен қатар, өнеркәсіпте жаңа секторлар дамуда. Өңірімізде тағы бір жаңа өндіріс ашылды: қағаз өнімдерін шығаратын фабриканы іске қостық. Бұл Солтүстік Қазақстан облысының экономикасы үшін тың бағыт.
2,5 млрд теңге инвестиция құйылды. «Қарапайым заттар экономикасы» желісі бойынша жеңілдетілген несие берілді. 80 жаңа жұмыс орны құрылды. Жыл сайын 200 млн теңге салық төлейді.
Қазір елімізде қағаз импорты өндірістен екі есе көп. Қағаз импортын азайту мақсатында маңызды инвестициялық жоба жүзеге асырылды. Фабрика жылына 3 миллиард теңгенің 5 мың тоннадан астам өнімін шығарады. Бұл майлықтар, қағаз сүлгілері, А4 қағазы. Барлығы 20 өнім түрі бар. Қазақстанда гигиеналық қағаздың импорты 16 %-ке азаяды. Айта кету керек, солтүстікқазақстандық фабрика өнім көлемі бойынша елімізде «Карина» компаниясынан кейінгі екінші фабрика болмақ.

• 21.10.2022
• 282