Біздің міндетіміз – бизнес үшін қолайлы жағдай жасау

Біздің міндетіміз – бизнес үшін қолайлы жағдай жасау. Соңғы 5 жылда «Маслодел» өңірде табысты дамып, кеңейіп келеді. 2017 жылы сүт өнімдерін шығаратын жаңа зауыт ашылды. Ал 2021 жылы екінші желі іске қосылып, қосымша 85 жұмыс орны құрылды.
Қазір үшінші желіні орнату жұмыстары аяқталуда. Іске қосылған кезде кәсіпорын тәулігіне 750 тоннаға дейін сүт өңдейтін болады. Бұл көрсеткіш СҚО сүт зауытының Қазақстан мен Орталық Азиядағы ең қуатты кәсіпорынға айналуына мүмкіндік береді. Жаңа желі жаңа жұмысшыларды қажет етеді. Қосымша 100 адам жұмысқа алынады. Үшінші желіге 5 миллиард теңгеден астам инвестиция тартылды. Заманауи Tetra Pak жабдығы орнатылуда. Желтоқсан айында жаңа желі іске қосылады.
Оған қоса "Маслодел" Петропавлда майды экстракциялау зауытын салуда. Әлемдегі жағдайға байланысты логистикалық мәселелерге қарамастан, құрал-жабдықтар жеткізілді, қаржыландыру бар. Жобаға 21 млрд теңге инвестиция салынады. Жаңа зауыт 200-ден астам жаңа жұмыс орнын ашады. Кәсіпорын майлы дақылдарды өңдеп, ақуызы жоғары жемшөп қоспаларын өндіретін болады. Жаңа зауыт 2023 жылдың соңында іске қосылады.

• 21.10.2022
• 355