Павлодар облысының әкімі «Тәуелсіздік ұланы» премиясының лауреаттарын марапаттады

Республика күні қарсаңында Павлодар мектеп оқушылары мен колледждер студенттері қомақты жүлделерге ие болды. Лауреаттар ақшалай сыйақы мен «Тәуелсіздік ұланы» төсбелгілерін өңір басшысының қолынан алды.

Облыс әкімінің тапсырмасымен өткен жылы Павлодар облысының дарынды балаларын қолдау мақсатында «Тәуелсіздік ұланы» премиясы тағайындалған еді. Жүлде иегерлеріне 50 АЕК немесе 159 мың теңге көлеміндегі сыйақы табысталады.

Республика күні қарсаңында Әбілқайыр Сқақов премия лауреаттарын құттықтап, ел болашағының жастар қолында екендігін тағы бір рет атап өтті.

Бүгін біз сіздермен 32 жыл бұрын жаңа елдің қалыптасуын баяндаған, қазірде Әділетті Қазақстанның өмірге келгенін айқындаған айтулы күн қарсаңында кездесіп тұрмыз, – деді өңір басшысы. – Ұлттық мереке – Республика күні қарсаңында «Тәуелсіздік ұланы» белгісінің 100 иегерлерін марапаттаудамыз. Көшбасшылық қабілеттерді сақтағаныңызға тілектеспін. Солай ғана дені сау, интеллектуалдық ұлт құрып, сол арқылы Қазақстанды гүлдендіре аламыз.

Конкурсқа қатысуға жеті жүзден астам өтініш келіп түсті. Жеңімпаздарды анықтау үшін тәуелсіз қазылар алқасы құрылып, нәтижісінде «Тәуелсіздік ұланы» премиясының 100 лауреаты анықталды. Бүгінде сол жеңімпаздар облыс әкімінің қолынан марапатқа ие болды.

Мысалы, «Әлеуметтік маңызы бар және қоғамдық қызмет» номинациясында белсенді азаматтық көзқарас үшін төрт мектеп оқушысы мен колледж студенті марапатталды, 20-дан астам павлодарлық өрен «Ғылыми-техникалық шығармашылық және оқушылық-зерттеу жұмыс» номинациясында жеңіске жетті. Тағы 20 адам спорт, кәсіптік және шығармашылық шеберлігі үшін мрарапатталды.

Өз кезегінде, жүлде иегері – № 8 мектеп-лицей оқушысы Антонина Степанова өскелең ұрпаққа қолдау көрсеткен облыс басшысына алғыс айтты.

Республика күні қарсаңында «Тәуелсіздік ұланы» премиясына қол жеткізгенім мен үшін зор мәртебе, – деді ол. – Бұл менің ғана емес, маған Отанды сүюді үйреткен ата-анам мен мұғалімдерімнің де жетістігі. Бұл күнді мен жетістіктерімнің жоғары деңгейде бағаланған күн ретінде мәңгі есте сақтаймын.

Абай атындағы гимназияның 11 сынып оқушысы Әлішер Дабылхан да өз сезімдерімен бөлісті. Болашақ мектеп түлегі өңір басшысына Республика күніне орай челлендж бастауды ұсынды. Әбілқайыр Сқақов мектеп оқушысының бастамасын қабыл алып, Мұзафар Әлімбаевтің өлеңін оқып, «Қадірлі Қазақстан, Отан - ана» акциясына мұрындық болды. Челленджді жалғастыру кезегі өңірдің барлық мектеп оқушылары мен жастарына берілді. Кеш соңында жастар «Жаса Қазақстан» әнін бірге шырқады.

• 22.10.2022
• 256