Жамбыл облысында Республика күніне орай салтанатты шара өтті

«Баласағұн» орталық концерт залында Республика күніне арналған салтанатты шара өтті.

Жамбыл облысының әкімі Нұржан Нұржігітов тұрғындарды Ұлттық мереке – Республика күнімен құттықтады.

Нұржан Нұржігітов  әр салада жемісті еңбек етіп жүрген бірқатар жамбылдықтарға Мемлекет басшысының Жарлығымен белгіленген мемлекеттік наградаларды тапсырды.

Атап айтқанда, мемлекеттік және қоғамдық қызметтегі сіңірген еңбегі, еліміздің әлеуметтік-экономикалық және мәдени дамуына қосқан елеулі үлесі үшін облыстың бір топ азаматтары «Парасат», «Құрмет», III дәрежелі «Еңбек даңқы» ордендерімен, «Ерен еңбегі үшін», «Шапағат» медальдарымен және Қазақстан Республикасының Құрмет грамоталарымен марапатталды. Сондай-ақ, бірқатар азаматтарға «Облысқа сіңірген еңбегі үшін» белгісі табысталды.

Салтанатты шара мерекелік концертке ұласты.

• 26.10.2022
• 185