Орал қаласында Ресей жоғары оқу орнының өкілдігі ашылды

Орал қаласында Жәңгір хан атындағы БҚАТУ-да Уфа мемлекеттік мұнай техникалық университетінің өкілдігі және "Роботехника" жаңа зертханасы ашылды.

Іс-шараға ҚР Ғылым және жоғары білім вице-министрі Қуаныш Ерғалиев, Уфа университетінің ректоры Олег Баулин, проректор Наиль Чанышев және өңіріміздің серіктес компанияларының басшыларымен бірге  қатыстым. Индустриялық-технологиялық институт ғимаратында екі тарап ынтымақтастық туралы Меморандумға қол қойды. Федерация Кеңесінің ғылым, білім және мәдениет жөніндегі комитетінің төрағасы Лилия Гумерова, Ресей Федерациясы Башқұртстан Республикасы әкімшілігінің басшысы Максим Забелин, Башқұртстан Республикасының Білім және ғылым министрі Айбулат Хажин тарапқа ынтымақтастығы мен жаңа бастамаға сәттілік тілеп,алғысын білдірді, осы жобаның табысты болуы үшін олардың тарапынан барлық мүмкіндікті жасайтындықтарына сендірді.

• 28.10.2022
• 287