Чехияның Қазақстандағы Төтенше және Өкілетті елшісін қабылдадым

Чехияның Қазақстандағы Төтенше және Өкілетті елшісі Рудольф Гиклмен кездесу барысында сауда-экономикалық ынтымақтастық, ауыл шаруашылығы, білім беру және денсаулық сақтау салаларындағы екіжақты қатынастар талқыланды.

Чехия елшісі атап өткендей, 1993 жылдың 1 қаңтарында біздің елдер арасында дипломатиялық қатынастар орнады. 2021 жылғы екіжақты тауар айналымының көлемі 252,7 миллион АҚШ долларын құрады. Сонымен қатар, Чехия қазақстандық студенттердің еуропалық білім алуы үшін танымал бағытқа айналды, бүгінде онда білім алушы адамның жалпы саны шамамен 2,5 мыңға жетеді.

Қасым-Жомарт Тоқаевтың тапсырмасы бойынша Қонаев қаласында Академиялық қалашық құрылатынын және осы ауқымды жоба аясында аграрлық салада мамандар даярлау үшін Чехия Республикасының Жоғары оқу орындарының филиалдарын ашуды көздейтінін атап өтті. Жекелеген тараптар агроөнеркәсіп саласын дамытуды талқылап, мал шаруашылығы, жемшөп базасын дайындау және селекцияға қатысты ойларын ортаға салды.

 Ұйғыр ауданындағы ыстық сул базасында туризмді дамыту мәселесін пысықтауды ұсындым. Ол үшін облыс әкімдігі жылу көздеріндегі су құрамына толық талдау жасауға дайын екендігін жеткіздік. Алдағы уақытта Чехиялық кәсіпкер Шонжы да заманауи демалыс аймақтарын ашуға қызығушылық танытуы мүмкін.

Айта кетейік, Рудольф Гикл Алматы облысының туристік көрікті жерлеріне барғанды ұнататынын атап өтті. Ол көбінесе «Көлсай көлдері» ұлттық паркіне және Шарын шатқалына барады екен.

- Қазақстан мен Чехия арасындағы екіжақты қарым-қатынастардың қарқынды дамуының арқасында болашақта сауда - экономикалық байланыстарды дамытуға болады, - деп қорытындылады Елші.
Кездесу соңында Рудольф Гикл облыс әкіміне жылы қабылдағаны үшін алғысын білдірді.

• 03.11.2022
• 263