Мамлют ауданында екі инвестициялық жобаның жүзеге асырылу барысын тексердім

Облыста тағы бір заманауи ферма пайда болады. Шаруа Асқар Мәдиев Калугино ауылында 600 басқа арналған сүт фермасын салуда. Жобаның құны - 2,3 млрд теңге. Қуаттылығы жылына 2,7 мың тонна сүтті құрайды. Жаңа ферма 30 адамды жұмыспен қамтамасыз етеді. Айта кету керек, бұл Асқар Мәдиевтің екінші фермасы, біріншісін Петерфельдте ашқан еді. Қазан айында облыста 2 сүт фермасын аштық, жыл соңына дейін тағы алтауын іске қосамыз.
Елімізде 2023 жылы жиһаз және ағаш өңдеу өнеркәсібінде 6 инвестициялық жоба іске қосылады. Облысымызда ДСП шығару бойынша екі жоба жүзеге асуда. Солардың бірі Мамлютка қаласында. «Сапа Инвест Плюс» компаниясы 1,5 млрд инвестиция құюда. Жаңа кәсіпорын 30 мың текше метр ДСП шығармақ. 80 жаңа жұмыс орны ашылады. Естеріңізге сала кетейін, Петропавлда түрік инвесторы ДСП шығаратын тағы бір зауыт салып жатыр. Ол жылына 50 мың текше метр ДСП шығарады. Екі жаңа кәсіпорын 80 мың текше метр өндірмек, бұл импорттық өнімге тәуелділікті ішінара азайтуға мүмкіндік бермек. Айта кету керек, 2021 жылы елімізге 1 млн. текше метрден астам ДСП импортталды.

• 04.11.2022
• 431