Құрметті әскери журналистер!

Сіздерді кәсіби мерекелеріңізбен шын жүректен құттықтаймын!
Ақпарат айдынының жұмысы қашанда маңызды.  Бүгінгідей ақпарат ағынында сөзін – семсер, қаламын – қару еткендердің еңбегін ел бағалайтыны анық.
Сондықтан Қарулы күштерге қатысты оқиғаларды құзырет шегінде, шынайы және бейтарап түрде жария ету – қоғамдағы тұрақтылықтың маңызды факторы.
Сіздер әрқашан жауынгерлермен бірге алдыңғы шептесіздер. Қазақстан халқы әскердің бүгінгі келбетін, Отанның мықты әрі батыл қорғаушыларын сіздердің материалдарыңыз арқылы біледі. Алдағы уақытта да кәсіби шеберліктеріңізді шыңдап, Қарулы күштердің тыныс-тіршілігін одан әрі жан-жақты жария ету ісін нығайта беретіндеріңізге сенімдімін.
Өздеріңізге тиесілі осындай айтулы мереке күні Сіздерге зор денсаулық, сарқылмас қуат, отбасыларыңызға амандық және Отанымыз – Қазақстан Республикасының игілігі жолындағы қызметтеріңізге жаңа шығармашылық табыс тілеймін!

• 08.11.2022
• 222