Мәдениет және спорт мәселелері жөніндегі қоғамдық кеңестің отырысы онлайн форматта өтті

Бүгін мәдениет және спорт мәселесі жөніндегі қоғамдық кеңестің  отырысы онлайн форматта өтті.

Жиынға ҚР Мəдениет жəне спорт министрі Ақтоты Райымқұлова, Мемлекет және қоғам қайраткері, филология ғылымының докторы, профессор, жазушы, ғалым, қоғамдық кеңес төрағасы Мырзатай Жолдасбеков, Парламент Сенатының депутаты Нұртөре Жүсіп, Парламент Мәжілісінің депутаты Павел Казанцев, «Қазақстанның мәдениет, спорт, туризм және ақпарат қызметкерлері кәсіподағы» қоғамдық бірлестігінің төрағасы Светлана Иманқұлова, Ұлттық Олимпиада комитеті Спорт дирекциясының директоры Елсияр Қанағатов, Қазақстан туроператорлар қауымдастығының президенті Инна Рей жəне өзге де кеңес мүшелері қатысты.

Сонымен қатар жиынға қатысқан Президент жанындағы Ұлттық қоғамдық сенім кеңесіне қарасты мәдени-рухани жаңғыру бойынша жұмыс тобының мүшесі Қазыбек Иса, Шыңғыс Мұқан, Өркен Кенжебек, Асхат Садырбай, Ауыт Мұқибек, Бақытбек Смағұл Министрлік өкілдерінің əр сала бойынша жасаған баяндамасын тыңдап, атқарылып жатқан жұмыс жайымен танысты.

Отырыста Қазақстан Республикасы Ұлттық кітапханасының директоры Бақытжамал Оспанова «Кітапқұмар Қазақстан» ұлттық жобасы, Мəдениет жəне спорт министрлігі Спорт және дене шынықтыру істері комитеті төрағасының орынбасары Серік Жарасбаев еліміздегі бұқаралық спортты дамыту мәселелері мен келешегі, Туризм индустриясы комитетінің төрағасы Дастан Рыспеков коронавирус пандемиясы кезіндегі туризм саласының дамуы жайлы баяндама жасады.

• 23.11.2020
• 384