Ең үздік баспасөз қызметі

Astana Media Week-2022 апталығы аясында Ақпарат және қоғамдық даму министрі Дархан Қыдырәлі мемлекеттік органдардың баспасөз қызметі мен баспасөз хатшыларын марапаттау іс-шарасына қатысты.

Іс-шара барысында журналистер арасында жүргізілген сауалнаманың нәтижесінде «Жылдың үздік баспасөз қызметі» номинациясы бойынша Қазақстан Республикасы Сыртқы істер министрлігі марапатталды.

Сондай-ақ медиа саласын дамытуға қосқан үлесі үшін Денсаулық сақтау министрлігінің баспасөз хатшысы Артакшинова Асель, Энергетика министрлігінің баспасөз хатшысы Хамитқызы Жансая, Сыртқы істер министрлігінің баспасөз хатшысы Смадияров Айбек, Қарағанды облысы әкімі аппаратының баспасөз хатшысы Шаповалова Марина «Ақпарат саласының үздігі» төсбелгісімен марапатталды.

• 17.11.2022
• 237