«Оңтүстік» телеарнасында Шымкенттің медиа өкілдерімен кездесу

Кездесу барысында ой-пікірлер тыңдалып, сұрақтарға жауап берілді.

Д. Қыдырәлі масс медиа туралы заң жобасы, ақпаратқа қол жеткізу, біліктілікті арттыру, контент мәселесі бойынша ақпарат берді.

«Өздеріңіз білесіздер, қазір дәстүрлі БАҚ-тың бағыты концептуалды тұрғыда өзгеріп жатыр. «Жаңа медиа» деген түсінік қалыптасты. Осыған орай, біздің «БАҚ туралы» Заң да бірқатар өзгерісті қажет етеді. 

Осылайша, БАҚ саласындағы жаңа заманауи жүйені құру мақсатында заң жобасын әзірлеу жұмыстары басталып кетті»,- деді министр.

Сонымен қатар министр жергілікті үкіметтік емес ұйым өкілдерімен, этномәдени орталығының өкілдерімен кездесті.

Сапар аясында Д.Қыдырәлі жастар ресурстық орталығына барды.

«Жергілікті жастарды осындай жобалар мен бағдарламаларға белсенді қатысуға, дамуға және мұнымен тоқтап қалмауға шақырамын. Біз министрлік пен әкімдіктер тарапынан барлық көмек көрсетуді жалғастырамыз»,- деп атап өтті.

Жастармен пікірлесіп, ұсыныстары жұмыс барысында ескерілетінін білдірді.

• 17.11.2022
• 312