Павлодар облысының әкімі ҚР Президентінің сайлауында дауыс берді

Әбілқайыр Сқақов С. Торайғыров атындағы облыстық кітапханада орналасқан №15 сайлау учаскесінде дауыс берді.

Бұл учаскеде ең бірінші болып 89 жастағы Айша Абдулина дауыс берді. Өз таңдауын жасаған соң кейуана отандастарына мықты денсаулық пен табыс тіледі.

– Тәуелсіз Қазақстандағы барлық сайлаулар есімде, бір де бірінен қалып көрген жоқпын. Сайлауда дауыс беру – бәріміздің борышымыз, – деп есептейді Айша Абдуллина.

Облыс тұрғындары өскелең ұрпаққа азаматтық парыз сезімін сіңіру мақсатында сайлауға балаларымен бірге келіп жатыр.

– Айлин есімді немерем өзі біздің дауыс бергенімізді көргісі келді. Ол әлі кішкентай болса да, біз оған дауыс берудің маңыздылығын түсіндіріп жүрміз, – дейді Рысты Рахымбекова.

№15 сайлау учаскесінде 1542 сайлаушы тіркелген, олардың қатарында облыс әкімі Әбілқайыр Сқақов та бар.

– Бүгін еліміз үшін маңызды тарихи күн – Қазақстан Республикасы Президентінің сайлауы. Мен өз таңдауымды жасап, еліміздің жарқын болашағы үшін дауыс бердім, – деді аймақ басшысы.

Облыс аумағында 510 847 сайлаушы тіркелген, олар 528 учаскеде дауыс бере алады. Олардың 138-і облыс орталығында, 65-і Екібастұз және 40 учаске Ақсу қалаларында, 285 сайлау учаскесі аудандарда орналасқан.

• 20.11.2022
• 304