Бүгін Ауыл шаруашылығы қызметкерлерін кәсіби мерекемен құттықтадым.

Бүгін Ауыл шаруашылығы қызметкерлерін кәсіби мерекемен құттықтадым. Ауыл шаруашылығы жылын қорытындыладық. Агроөнеркәсіп кешенінде ғажайыптардың болмайтыны белгілі: әрбір көрсеткіштің артында шаруалардың тынымсыз еңбегі жатыр.
Солтүстікқазақстандық диқандар республика бойынша үздік деп айта аламыз. Бұл жай ғана мақтау сөздер емес, өйткені еліміздегі бидайдың 25 % бізде өседі. Майлы дақылдардың үштен бірі бізге тиесілі. СҚО - жұмыртқа өндіру бойынша көш басында. Сүт өнімдерінің төрттен бірін жергілікті зауыттар өндіреді. Бұл кездейсоқ емес. Жүйелі жұмыстар жүргізілуде. Біз ел бойынша ауыл шаруашылығына ең көп инвестиция тартамыз. Жыл сайын өнімділігі жоғары техника алынып, тұқым жаңартылуда. Минералды тыңайтқыштарды ең көп енгізетін де біздің диқандар.
Мал шаруашылығында да жақсы жетістіктер бар. Қазірдің өзінде 22 сүт фермасын іске қостық, биыл тағы 17-сін салып жатырмыз, жыл соңына дейін 8-і ашылады. Екі құс фабрикасы іске қосылды, келесі жылы тағы біреуі жұмысын бастайды.
Осының арқасында 10 айда ауыл шаруашылығы өнімі алғаш рет 1 трлн. теңгеге жетті. Бұл – ауыл еңбеккерлерінің ерен еңбегінің жемісі. Мен ауыл шаруашылығы саласының барлық қызметкерлеріне қажырлы еңбегі үшін алғыс айтамын. Мереке құтты болсын!

• 25.11.2022
• 315