Мирзахметова Д.Д.

«Акушерия, гинекология және перинатология ғылыми орталығы» АҚ Басқарма төрағасы

Мирзахметова Динара Досалыевна Алматы мемлекеттік медицина институтын «емдеу ісі» мамандығы бойынша үздік бітірген, Қоғамдық денсаулық сақтау жоғары мектебінде оқыған. Ресейде маманданудан және Австрия, Германия елдерінде тағлымдамадан өткен.

Қалалық перинаталдық орталықта акушер-гинеколог дәрігер, ультрадыбыстық диагностика дәрігері, босандыру бөлімінің меңгерушісі, бас дәрігердің емдеу ісі жөніндегі орынбасары, Алматы қаласы №1 перзентхана бас дәрігерінің міндетін атқарушы, Репродуктивтік медицина институтында акушер-гинеколог дәрігер, Алматы қ. Қалалық адам ұрпағын өрбіту орталығында бас дәрігер лауазымдарын атқарды.

Жоғары санатты денсаулық сақтау менеджері, MD, магистр MPh, жоғары санатты акушер-гинеколог дәрігер.

2017 жылғы маусым айында Қазақстан Республикасы Денсаулық сақтау министрлігінің ШЖҚ «Акушерия, гинекология және перинатология ғылыми орталығы» РМК директоры лауазымына тағайындалды.