Уандыков Б.К.

«Қазақстан су жолдары» республикалық мемлекеттік қазыналық кәсіпорнының бас директоры

1954 жылғы 27 қазанда Шығыс Қазақстан облысының Мақаншы ауылында дүниеге келді.

Білімі

1977 жылы В.И. Ленин атындағы Қазақ политехникалық институтының (Қазақ ПТИ) автоматика және есептеу техникасы факультетін «Автоматтандырылған басқару жүйесі» мамандығы бойынша тәмамдады.       1985 жылы Алматы қаласындағы Қазақ ПТИ және Москва қаласындағы Ресей ғылым академиясының проблемаларды басқару институтының аспирантураларын бітірді.

«Замануи технологияларды қолдану проблемалары» бөлімі бойынша Ресей жаратылыстану ғылымдары академиясының академигі, техникалық ғылымдар кандидаты, 200-ден астам ғылыми еңбектің, монографиялар мен басылымдардың авторы.

Еңбек қызметі

1977-1979 жылдар аралғында – Жамбыл гидромелиоративтік-құрылыс институтының экономикалық кибернетика кафедрасының ассистенті, оқытушысы, Қазақ КСР Автомобиль көлігі министрлігінің автоматтандырылған басқару жүйелері бөлімінің аға инженері.

1979-1991 жылдар аралығында – Қазақ КСР Ғылым академиясының Механика-математика институтының кіші ғылыми қызметкері, ғылыми қызметкері, аға ғылыми қызметкері, Қазақ ПТИ «Мерей» ғылыми-өндірістік кооперативінің төрағасы.

1991-2001 жылдар аралығында – «Алатау» Сыртқы экономикалық қауымдастығының бас директоры.

2001-2014 жылдар аралығында – Шығыс Қазақстан су жолдары республикалық қазыналық кәсіпорнының директоры, Су көлігі департаментінің директоры, Қазақстан Республикасы Көлік және коммуникациялар министрлігінің Көлік және қатынас жолдары комитетінің төрағасы, «Ақтау халықаралық теңіз сауда порты» РМК директоры, «Ақтау халықаралық теңіз сауда порты» АҚ президенті.

2014-2015 жылдар аралығында – Қазақстан Республикасы Көлік және коммуникациялар Министрінің кеңесшісі. «А» корпусының мемлекеттік әкімшілік қызметінің кадр резервіне қабылданды.

2015-2016 жылдар аралығында – Қазақстан Республикасы Инвестициялар және даму министрлігі Көлік комитетінің «Ертіс су жолдары кәсіпорны» республикалық мемлекеттік қазыналық кәсіпорнының директоры. 

 

2016-2018 жылдар аралығында – Қазақстан Республикасы Инвестициялар және даму министрлігі Көлік комитетінің «Қазақстан су жолдары кәсіпорны» республикалық мемлекеттік қазыналық кәсіпорнының директоры.

2018 жылдың қазан айынан бастап – Қазақстан Республикасы Индустрия және инфрақұрылымдық даму министрлігі Көлік комитетінің «Қазақстан су жолдары кәсіпорны» республикалық мемлекеттік қазыналық кәсіпорнының бас директоры.

Әр түрлі қызмет саласындағы жетістіктері марапатталды:

«Құрмет» ордені;

«Қазақстан Республикасының Конституциясына 10 жыл», «Астананың 10 жылдығы», «Қазақстан Республикасының Тәуелсіздігіне 20 жыл», «Қазақстан мәслихаттарына 20 жыл», «Қазақстан Республикасының Тәуелсіздігіне 25 жыл», «Маңғыстау облысына 40 жыл», «Ақтау қаласына 50 жыл» медальдарі;

Қазақстан Республикасы Президентінің алғысымен, Қазақстан Республикасы Парламенті Сенатының Құрмет грамотасымен марапатталды. Қазақстан Республикасы Көлік және коммуникациялар министрлігінің ведомстволық наградасы – «Су көлігі саласының үздігі» төсбелгісі, Ресей Федерациясы Теңіз және өзен көлігінің федералдық агенттігінің ведомстволық наградасы – «5 лет Федеральному агентству морского и речного транспорта» төсбелгісі бар.   

Қазақстан комсомол жастары одағы орталық комитетінің 1986 жылғы «Ғылым және техника саласындағы үздік жұмысы» сыйлығының лауреаты. 

Қоғамдық қызметі:

4 және 5-шақырылымдағы Маңғыстау облыстық мәслихатының депутаты; 5-шақырылымдағы Маңғыстау облыстық мәслихатының экономика және бюджет мәселелері бойынша тұрақты комиссиясының төрағасы; «Нұр Отан» партиясының Маңғыстау облыстық филиалы жанындағы Сыбайлас жемқорлыққа қарсы әрекет қоғамдық кеңесінің төрағасы; «Нұр Отан» партиясының Маңғыстау облыстық филиалы саяси кеңесінің мүшесі; Маңғыстау өңірлік партиялық кураторы төрағасы - «Нұр Отан» партиясының сайлауалды платформасының «Инновациялық экономика» бағыты бойынша Қазақстан Республикасы Парламенті Мәжілісі сараптамалық тобының мүшесі;  «Казмортрансфлот» Ұлттық теңіз кемесі компаниясы» АҚ Директорлары кеңесінің мүшесі.