Жауаптар

Құрметті Дастан Исламбек! Қазақстан Республикасы Ақпарат және қоғамдық даму министрінің «Үкіметтік емес ұйымдарға 2020 жылға арналған гранттар беру жоспарын бекіту туралы» 2019 жылғы 25 желтоқсандағы №507 бұйрығымен (бұдан әрі - Бұйрық) бекітілген үкіметтік емес ұйымдарға 2020 жылға арналған гранттар беру жоспары (бұдан әрі - Жоспар) негізінде 2019 жылғы 28 желтоқсан күні жарияланған мемлекеттік гранттарды ұсыну конкурсы 75 тақырып бойынша жарияланып, 2020 жылға бөлінген қаражат көлемі 1 131 260 мың теңгені құрады. ҮЕҰ арналған мемлекеттік гранттар беру конкурсының 2020 жылдың 14 ақпандағы нәтижелері бойынша 44 грант алушымен 56 тақырып бойынша жалпы сомасы 897,75 млн. теңгені құрайтын грант беру туралы келісім-шарттар жасалды. Қайталау конкурсы Бұйрыққа өзгерістер мен толықтырулар енгізу туралы 2020 жылғы 27 ақпандағы № 72 бұйрыққа 2020 жылғы 4 наурыз күні № 77 бұйрықпен енгізілген өзгерістер негізінде Жоспарға енгізілген өзгерістер шеңберінде а.ж. 5 наурызы күні жарияланды (бұдан әрі - Жоспар). Аталған Жоспар бойынша жалпы сомасы 671,9 млн. теңгені құрайтын 30 тақырып бойынша конкурс өткізу қарастырылғандығын хабарлаймыз.