Құрметті қазақстандықтар,

ҚР Экология, геология және табиғи ресурстр министрлігінің «Қазгидромет» республикалық мемлекеттік кәсіпорнының атынан Сіздерге Қазақстан Республикасының электрондық үкіметі сайтына қош келдіңіздер дегім келеді.

Қазақстан Республикасының Ұлттық гидрометеорологилық қызметі 1922 жылы және бүгінгі таңда – бұл Қазақстанды Дүниежүзілік метеорологиялық ұйымда таныстыратын Экология, геология және табиғи ресурстар министрлігінің ірі ғылыми-өндірістік кәсіпорны. «Қазгидромет» РМК-ның үш мыңға жуық қызметкері қоршаған ортаның жай-күйіне тәулік бойы мониторинг жүргізеді, ауа райы мен су объектілерінің болашақ жай-күйіне талдау мен болжам жасайды.

«Қазгидромет» – Қазақстан Республикасындағы атмосфера мен жер үсті суларының нақты жай-күйі, синоптикалық, агрометеорологиялық және гидрологиялық болжамдар туралы ресми ақпарат беретін жалғыз мемлекеттік кәсіпорын.

Халыққа және мемлекеттік органдарға келе жатқан қауіпті және стихиялық ауа райы құбылыстары – қатты желдер, қар құрсаулары, бұршақ, найзағай, көктайғақ, үсік, су тасқыны, Каспийдегі жел айдындары және тағы басқалар туралы дауылды ескертулермен қызмет көрсетуді жүзеге асырады.

Экономиканың барлық дерлік секторлары ауа-райына байланысты, қауіпті және стихиялық ауа райы құбылыстары халықтың өміріне, оның мүлкіне қауіп төндіруі немесе адамдардың денсаулығына теріс әсер етуі мүмкін.

Мемлекеттік органдар халықтың қауіпсіздігін қамтамасыз ету және алдын алу шараларын қабылдау мақсатында, «Қазгидромет» тәуліктің кез келген уақытында және кез келген ауа райында бақылау жүргізеді, оларды талдайды және әртүрлі анықтамалықтар шығарады, гидрометеорология және қоршаған ортаны қорғау саласында ғылыми зерттеулер жүргізеді. Бірақ, әрине, біздің кәсіпорынның ең негізгі міндеті бұл жедел болжау өнімдері болып табылады.

Біз метеорологиялық қысқа мерзімді және ұзақ мерзімді болжамдарды; гидрологиялық болжамдарды; теңіз және агрометеорологиялық болжамдарды; қалалардағы ауаның ластануының жоғары деңгейін қалыптастыратын қолайсыз метеорологиялық жағдайлар туралы болжамдарды шығарамыз.

Экологиялық мониторинг шеңберінде атмосфералық ауаның жай-күйіне, жауын-шашынға, топыраққа, құрлықтың жер үсті суларына, теңіз суларына, радиациялық фонға бақылау жүргізіледі. «Қазгидромет» – www.kazhydromet.kz сайтында біздің қызметіміз бен шығарылатын өнімдеріміз туралы барлық толық ақпаратты таба аласыз.

Сіз маған гидрометеорологиялық бақылау өндірісінен бастап және оларды әдістемелік қамтамасыз етуден, ғылыми-зерттеу жұмыстарын жүргізуге дейінгі болжау әдістемелері мен басқа да қауіпті құбылыстарды әзірлеу мен жетілдіру жөніндегі біздің қызметіміздің барлық салалары туралы сұрақтарды қоя аласыз. Бұл блог біздің арамыздағы диалог пен өзекті мәселелерді талқылау үшін жақсы алаң болады.

Сіз электрондық үкімет порталында және біздің ресми www.kazhydromet.kz сайтында «Қазгидромет» РМК-ның жұмысы туралы барлық қызықтыратын ақпаратты таба алатыныңызға үміттенеміз.

 

Ізгі тілекпен,

Алимбаева Данара,

Қазақстан Республикасы Экология, геология және табиғи ресурстар министрлігінің

«Қазгидромет» РМК бас директоры