Құрметті блог қонақтары!

«Қазсушар» РМК басты қызметі республикалық маңызы бар су шаруашылығы объектілерін ұстау, пайдалану, сондай-ақ мемлекеттік меншіктегі су шаруашылығы жүйелері мен құрылыстарының қауіпсіздігін қамтамасыз ету болып табылады Кәсіпорын қызметінің негізгі мақсаты Кәсіпорын теңгеріміндегі гидротехникалық құрылыстар мен кешенді мақсаттағы су қоймаларын, магистралдық су құбырлары мен өзге су шаруашылығы объектілерін ұстау, пайдалану және қалпына келтіру болып табылады.

Біз бұл мақсаттың үдесінен шығу үшін осындай заманауи мүмкіндікті пайдалана отырып, қоғамдық ой мен пікірдің еркін айналымын қамтамасыз ету арқылы бірлескен түрде су шаруашылығы саласын жаңа деңгейге көтере аламыз.

Осы блог сіз бен біздің арамыздағы сындарлы сұхбаттың негізіне айналып, екі жаққа да тиімді өзара ақпарат алмасудың маңызды тетігіне айналады деген сенімдемін.  

Баршаңызды құзіретімізге кіретін мәселелер мен сұрақтардың аясында маңызды әрі қызықты тақырыптарды талқылауға шақырамын.

Әрбір сауал біздің назарымызда болады!