Паттеев Ш.Ә.

«Қазақ газеттері» ЖШС Бас директоры

Паттеев Шәмшидин Әшенқожаұлы 1960 жылы 12 қаңтарда Оңтүстік Қазақстан облысы, Қызылқұм ауданы, Отырабат стансасында дүниеге келген. 1976 жылы Түркістан қаласындағы С.М.Киров атындағы орта мектепті бітірген. Еңбек жолын  ТСНРМ мекемесінде қарапайым жұмысшы, әрі қарай темір-бетон зауытында бетоншы болып бастаған.

 1978 жылы Қазақ мемлекеттік университетінің дайындық курсына түсіп, университеттің журналистика факультетін  1984 жылы аяқтады.

Университет бітірісімен  «Түркістан арнаулы ғылыми реставрация» мекемесінде жәй қызметкер болып, 1986 жылы Түркістан қалалық  комсомол комитетіне ауысты. Онда СПТУ-31 училищесі комсомол комитетінің хатшысы болып сайланады.

1988 жылы Ш.Ә.Паттеев Алматы қаласындағы «Өнер» баспасында редактор қызметіне ауысты. 1991 жылдары шығармашыл жастар «Алдаспан» Қазақстан шығармашылық жастар ассоциациясын құрады. Ш.Паттеев сол бірлестікке бас директоры болып жетекшілік етті.

1994 жылы  халықаралық «Түркістан» газеті Бас редактордың орынбасары, 1999 жылдан бастап газеттің Бас редакторы қызметін атқарды.

2017 жылдың қыркүйек айынан «Қазақ газеттері» жауапкершілігі шектеулі серіктестігінің Бас директоры болып тағайындалды.

Наградалары:

Қазақстан Республикасының «Құрмет» ордені (2009ж.)

Қазақстан Президенті сыйлығының лауреаты(2016 ж.)

Қазақстан Республикасының мәдениет қайраткері.