Құрметті достар!

Қазақстан елордасының әуежайы қалыптасқан сәттен бері шағын ұшақтарға қызмет көрсетуден бастап әуе кемелерінің барлық түрлеріне кез-келген ауа-райы жағдайында қызмет көрсету мүмкіндігіне қол жеткізді.

Еуразия континентінің заманауи әуежайларының бірі бола отырып, Нұрсұлтан Назарбаев әуежайы тәулік сайын 200-ге жуық рейсті қарсы алып, ұшырады, тәулігіне 14000 жолаушыға қызмет көрсетеді. Елорда әуежайынан 18 ішкі бағыт және 35 халықаралық бағыт бойынша 6 отандық және 14 шетелдік авиакомпания тұрақты рейстерді орындайды.

Әуежай миссиясы халықаралық стандарттардың талаптарына сәйкес әуе кемелерiне және жолаушыларға үлгiлi, қауiпсiз және тұрақты қызмет көрсетуді қамтамасыз ету.

Осы блог-алаң Астана қаласының әуежайында жолаушыларға қызмет көрсету саласындағы өзекті мәселелерді жедел және сапалы шешуге мүмкіндік беретініне сенімдімін.