Құрметті сайт қонақтары!

Қазақстан Республикасының Президенті Қасымжомарт Тоқаев еліміздің көліктік кешенінің алдына әуе көлігі жұмысының барынша тиімділігін қамтамасыз етуге және қазіргі заманғы авиациялық инфрақұрылым құруға мүмкіндік беретін бірқатар маңызды міндеттер қойды.

Біздің еліміз Батыс Еуропадан Шығыс және оңтүстік-шығыс Азияға дейінгі бағыттағы авиациялық хабқа толық көлемде айналуы тиіс.

Бұл міндеттерді іске асыруға Азаматтық авиацияның жоғары білікті мамандары: ұшқыштар, авиаинженерлер, авиадиспетчерлер, авиациялық тасымалдау және авиациялық қауіпсіздік мамандары жеткілікті болмаса жүзеге асыру мүмкін емес.

Сарапшылардың бағалауы бойынша таяудағы 10-15 жылда Қазақстанға қосымша 1200-ден астам ұшқыштар мен 1500 авиациялық инженерлер және жолаушыларға қызмет көрсету бойынша және әуежайлар инфрақұрылымына бірнеше мың мамандар қажет болады.

Азаматтық авиация академиясы еліміздің авиациялық саласын даярлау деңгейі қазіргі заманғы халықаралық стандарттарға толық сәйкес келетін білікті кадрлармен қамтамасыз ету мәселесін шешу бойынша белсенді жұмыс істеуде.

Осыған байланысты біз Қазақстандағы жалғыз авиациялық ЖОО-ның қызметін жетілдіруге бағытталған кең ауқымды іс-шаралар кешенін жүргізудеміз.

Академияның осы бағыттар бойынша жұмысының қалай жүргізіліп жатқаны туралы блог бетінде жарияланатын болады.

Мен сіздерге өз сұрақтарыңызды қойып, сонымен қоса ұсыныстарыңызды айтып,  азаматтық авиация академиясының жұмысы туралы пікірлеріңізді бөлісуді ұсынамын. Бұл мен және барлық ұжым үшін өте маңызды.

Блог алаңындағы мұндай ынтымақтастық барлығымызға қызықты әрі пайдалы болады деп үміттенемін.