Ыбырайым Н.М.

Зерттеулер, талдау және тиімділікті бағалау орталығының директоры

Нұрлан Мұхтарбекұлы Ыбырайым 1973 жылы 25 тамызда дүниеге келген. Қырғыз мемлекеттік университетін бітірген.

1996 жылдан бастап аудан әкімінің аппаратында, министрліктерде, Президент Іс Басқармасында, Тұңғыш Президент-Елбасы кеңсесінде, Қазақстан Республикасы Президентінің Әкімшілігінде жұмыс істеді. Әр жылдары Әділет министрлігінің Зияткерлік меншік құқығы, Тіркеу қызметі комитеттері төрағасының орынбасары, Парламент Мәжілісі аппараты басшысының, Қазақстан Республикасы Парламенті Мәжілісіндегі «Нұр Отан» ХДП фракциясы аппараты басшысының орынбасары, Білім және ғылым министрлігі департаментінің директоры және Ғылым комитетінің төрағасы, мемлекеттік қызмет істері жөніндегі вице-министр, ҚР Президенті Әкімшілігі бөлім меңгерушісінің орынбасары қызметтерін атқарды.

Әл-Фараби атындағы Қазақ ұлттық университетінде Мемлекет және құқық институтында, сондай-ақ даму және құқықтық мәселелер жөніндегі проректор болып жұмыс істеді. Заң ғылымдарының кандидаты.