Құрметті Достар!

«Балдәурен» Республикалық оқу-сауықтыру орталығының сайтына қош келдіңіздер! «Балдәурен» Республикалық оқу-сауықтыру орталығы 16 жыл ішінде Қазақстан Республикасының Білім беру кеңістігінде өз рөлін айқындады.

Қазіргі таңда «Балдәурен» –ТМД және Орталық Азия аймақтарындағы теңдесі жоқ бірден–бір балалар мен жасөспірімдердің демалысын,сауығуын ұйымдастыратын және олардың шығармашылықтарының дамуына барлық жағдайлар жасайтын Республикалық оқу-сауықтыру орталығы.

«Балдәурен» – балалар сенімінің, қауіпсіздігінің, қамқорлығының аралы. Біздің Орталықтың әлеуметтік маңыздылығы даусыз. Біз балаларды белсенді азаматтық ұстанымға тәрбиелейміз, олардың шығармашылық қабілеттерін ашамыз, әр балаға өзін жеке тұлға ретінде көрсетуге тең мүмкіндік береміз, оларға өмір жолын таңдауға көмектесеміз. Орталықта осындай бірегей жүйе құрылғанын мақтан тұтамыз, Орталығымызда қызмет ететін әрбір адам кездейсоқ емес, өз ісін сүйетін және  балаларды сүйетін маман иелері.

Бүгін «Балдәуренге» 16 жыл,  болашақта  «Балалық шақтың аралы»  бір емес бірнеше туған күнін атап өтетініне шын жүректен сенеміз, алайда жылдар өтсе де, демалушы азаматтардың жасы бұрынғыдай балалар болып қала бермек. Егер балалар "Балдәурен" - нен кетіп, қайта оралғысы келсе, онда бұл біздің бірлескен жұмысымыздың жоғары бағасы.

Оқу-сауықтыру орталығының ұжымына жаңа кәсіби жетістіктер, барлық белгіленген жоспарларды, жаңа көкжиектер мен жаңа жеңістерді іске асыруды тілеймін.