Құрметті  сайтқа келушілер!

Біз Сіздерді «Өрлеу» Біліктілікті арттыру ұлттық орталығы» акционерлік қоғамының ресми интернет-ресурсының беттерінде шын жүректен құттықтаймыз!

Елбасы Н. Назарбаев «Қазақстандағы адам капиталының сапалы өсуі бұл, ең алдымен білім... », - деп атап көрсетті.

Әлемдік практика білім берудің бүкіл саласындағы жаңғырту жағдайында педагогтардың біліктілігін арттыру жүйесі (ПАЖ)   өзектілігінің арта түсетіндігін айқын көрсетіп отыр. 

Педагогтардың біліктілігін арттырудың жаңа жүйесін құру бойынша «Өрлеу» БАҰО» АҚ-ның алдына қойылған тұжырымдамалық міндеттерді іске асыру жағдайында  «2012 -2020 жылдарға арналған «Өрлеу» Біліктілікті арттыру ұлттық орталығын дамытудың Стратегиясы» әзірленді, бұл стратегияда біліктілікті арттыру жүйесі жаңа моделінің миссиясы, мақсаттары мен міндеттері айқындалған.

«Өрлеу» БАҰО» АҚ-ның кадрлық әлеуеті  педагог қызметкерлердің біліктілігін арттыру жүйесінің алдына Қазақстан Республикасының Үкіметі қойған міндеттерді сапалы және жедел шешуге мүмкіндік береді.

«Өрлеу» БАҰО» АҚ-да  педагог қызметкерлердің білім алу қажеттігін қанағаттандыратын, олардың үздіксіз кәсіби өсуіне, яғни білім беру ұйымдарында оқыту сапасын арттыруға, сондай-ақ Қазақстан Республикасының 2016-2020 жылдарға арналған халыққа білім беруді дамытудың мемлекеттік бағдарламасы қойған стратегиялық міндеттерді іске асыруға ықпал ететін біліктілікті арттырудың тиімді жүйесі құрылды.

«Ө р л е у м е н » б і рг е  а л ғ а  н ы қ  қ а д а м  б а с а й ы қ     !