Абаева Ғ.Ә.

«Түзеу педагогикасының Ұлттық ғылыми-практикалық орталығының» ММ директоры

 

Абаева Ғалия Әскербековна –  «Түзеу педагогикасының Ұлттық ғылыми-практикалық орталығының» ММ директоры, педагогика ғылымының кандидаты,  педагогика доценті.

1987 жылы Герцен атындағы Ресей мемлекеттік педагогикалық университетінің (Санкт-Петербург қ.) дефектология факультетін, 2005 жылы Абай атындағы ҚазҰПУ-нің аспирантурасын бітірді. Көру қабілеті терең зақымдалған балалардың тілін дамыту проблемалары бойынша кандидаттық диссертация қорғады (шифр 13.0003 – Түзеу  педагогикасы).

1992-2008 жылдары Абай атындағы Қазақ Ұлттық педагогикалық университетінің ассистенті, оқытушысы, аға оқытушысы, доцент м.а. қызметтерін атқарды.

 2009-2017 жылдары Қазақ мемлекеттік қыздар педагогикалық университетінің «Арнайы және әлеуметтік педагогика» кафедрасының  меңгерушісі.

«2012 жылдың Үздік жыл мұғалімі» атағына ие.

Ғылыми қызығушылық саласы: көз көруі бұзылған балалармен жұмыс, дамуында күрделі (кешенді) кемістігі бар балалармен түзету-педагогикалық жұмыс. ҚР БҒМ тапсырысы бойынша қолданбалы-ізденушілік зерттеулерге қатысқан (014, 025, 055 - Бағдарламалар), 2008-2017 жылдары «Әлеуметтік педагогика және өзін-өзі тану» мамандығы бойынша ОӘК төрағасы.

Қазақстандағы көзі көрмейтін 1-ші сынып оқушыларына арналған алғашқы «Рельефті-нүктелік сауат ашу» «Рельефно-точечная грамота» оқулықтарының авторы.

Тәжірибе алмасу үшін алыс және жақын шетелдік елдерде өтетін іс-шараларға үнемі қатысады, 60-тан астам еңбектері басылымға шықты, оның ішінде оқулықтар, оқу құралдары, әдістемелік материалдар, ғылыми мақалалар, үлгілік оқу бағдарламалары.

Жарияланған таңдаулы еңбектері:

Психология және арнайы педогогика негіздері: Электрондық оқу құралы, Алматы  – 2012, 3,2мг.б; 

 Әлеуметтік  педагогика: Оқулық. ҚР БҒМ ұсынған - А., 2012 (бірлескен авторлар);   

 Күрделі кемістігі бар балаларды оқыту мен тәрбиелеудің арнайы бағдарламасы: БҒМ-нің 29.12.2019  жылғы №721  бұйрығымен бекітілген;

Арнайы педагогика және психология негіздері: Электронды оқу құралы (электронды баспа). ISBN 998-601-281-947-2 3мг.б., - Алматы 2013;

Көзі нашар көретін 6-7 жастағы балалардың байланысқан түрде ауызша сөйлеуін фольклор арқылы қалыптастыру: Монография – Алматы,  2013;

Көздері көрмейтін 0-1-ші сынып оқушыларына математика оқуды үйрету: Оқыту-әдістемелік оқулық. ҚР БҒМ бекіткен. Алматы - 2013;

Арнайы педагогика. БҒМ РОӘК Абай атындағы ҚАЗҰПУ  жанындағы «Білім беру» мамандықтарының тобы бойынша ОӘК (ОҚБ) басып шығаруға ұсынған: Оқу құралы. Алматы, 2014 (бірлескен авторлар); 

Брайль жүйесі бойынша оқу материалдарын бейімдеу және басып шығару. Әдістемелік ұсынымдар, 2016. ҚР БҒМ МОБД пайдалануына 13.01.2017 жылғы №130936 бұйрықпен ұсынылған.

 «Рельефно-точечная грамота» көзі көрмейтін 1-ші сынып оқушыларына арналған оқулық - 2016;

«Бедерлік-нүктелік сауат ашу» көзі көрмейтін 1-ші сынып оқушыларына арналған оқулық - 2016;

Ерекше білім беру қажеттілігі бар балаларды үйде оқытуды ұйымдастыру. Әдістемелік ұсынымдар, 2017. БҒМ МОБД пайдалануына 18.01.2018 жылы ұсынылған (бірлескен авторлар);

Көз көруі бұзылған оқушылардың сауатын ашу бойынша әдістемелік ұсынымдар. А., 2017.  2017. БҒМ МОБД пайдалануына 18.01.2018 жылы ұсынылған.

Көзі нашар көретін оқушыларға арналған қаріптері үлкейтілген оқу материалдарын бейімдеу және басып шығару. ҚР БҒМ Мектеп жасына дейінгі және орташа білім беру департаментінің пайдалануына ҚР БҒМ 12.02.2019 жылғы №1250/11-3/199 бұйрығымен ұсынылған.