Құрметті блог қонақтары, қош келдіңіздер!

Сіздерді, «Әзірет Сұлтан» музей-қорығының қызметі бойынша ой-пікірлеріңізбен және ұсыныстарыңызбен бөлісуге шақырамын.

Ел тарихында өзіндік орны бар, бүгінгі таңда жаңару, өркендеу кезеңіне аяқ басқан Түркістан қаласының және оның басты жәдігері Қ.А.Ясауи кесенесінің тарихы мен болашағы ел азаматтарының қызығушылығын тудыруда. Сіз де осы ашық блог-портал жұмысына қатысу арқылы өзіңіздің ел тарихы мен болашағына, Отанымыздың тағдырына немқұрайды қарамайтын, өзіндік пікірі айқын, азаматтық позициясы нық жеке тұлға екендігіңізді білдіресіз.

Ұлтымыздың тарихы мен мәдениетін әлемдік деңгейде насихаттап жүрген еліміздегі іргелі музейлердің бірі «Әзірет Сұлтан» музей-қорығының қызметі мен   іске асырып жатқан жобалары көпшілікті толғандырды деп ойлаймын.

Сіздің пікірлеріңіз, ұсыныстарыңыз бен өтініштеріңіз еліміздің игілігі  үшін  маңызды бастамаларды  жүзеге асыруға, халыққа көрсетілетін қызметтердің сапасын арттыруға, ел экономикасының дамуына  оң әсерін тигізеді деп сенемін!

Блог арқылы сізбен бірлесе жұмыс істеуге әрқашанда дайынмын!