ҚР БҒМ" Ұлттық ғылыми-практикалық дене шынықтыру орталығы " бас директорының блогына қош келдіңіздер!

Біздің орталық педагог ғалымдар мен бірге жасөспірімдерді дене шынықтыру және спорт құралдарымен сауықтыру, дене шынықтыру мұғалімдері мен ЖОО оқытушыларына ғылыми-әдістемелік көмек көрсету бойынша міндеттерді шешуде еңбек етеді.

Орталық спорт ғылымы және дене тәрбиесі жөніндегі халықаралық кеңестің мүшесі болып табылады (ICSSPE, Берлин қ.).

Педагогтарды ғылыми-әдістемелік қамтамасыз ету мақсатында орталық "Дене шынықтыру хабаршысы" ғылыми-практикалық журналын шығарады.Бұқаралық дене шынықтыру мен спортты дамыту және білім беру мәселелері бойынша ғылыми-зерттеу жұмыстарын жүргізеді.

Орталықта жыл сайын білім алушылардың денсаулығын сақтау және нығайту, ұлттық патриотизмге тәрбиелеу, білім беру мен дене шынықтыру саласында мемлекеттік саясатты жүргізу мақсатында баскетбол, волейбол, футбол, футзал, гандбол, үстел теннисі, тоғызқұмалақ, асық ату, бес асық, жеңіл атлетика бойынша "ұлттық мектеп лигасы" жарыстары өткізіледі.

Мектеп оқушылары үшін әр жыл сайын республикалық гимназиада өткізіледі.Қысқы спорт түрі бойынша -8 және жазғы спорт түрі бойынша -54.

Универсиада өткізілетін жоғары оқу орындарының студенттеріне үлкен көңіл бөлінеді.Универсиада да қысқы спорттың 5 түрі бойынша және жазғы спорттың 29 түрі бойынша қарастырылған.

ҚР БҒМ "Ұлттық ғылыми-практикалық дене тәрбиесі орталығының" жұмысына қатысты сұрақтарды, ұсыныстар мен ескертпелерді осы блогқа жолдауға болады.