2018 жылы Біріккен Ұлттар Ұйымының биоәртүрлілікті сақтау бағдарламасы аясында «Жамбыл облысының әйелдерді қолдау орталығы» қоғамдық бірлестігінің қолдауымен  13,597,500 теңге көлемінде грант алынды. Осы қаражатқа этно-ауыл құру үшін бес алты арқандық киіз үй сатып алынды. Этно ауыл мен Таңбалы қорығын қуаттандыру үшін 5 киловатттық күн-жел станциясы орнатылды.

       Бүгінгі таңда  Танбаланы аралау орталығының құрылысы жүргізілуде.

     Музей қызметкерлерінің Наурызды ұлттық мейраммен атап өту және ұлттық ат ойындарын ұйымдастыру дәстүрге айналды. Сондай-ақ, музейде жыл сайынғы «Оразбаев оқулары» халықаралық ғылыми-танымдық конференциясы өткізіліп тұрады. Конференцияға археологтар, этнографтар, тарихшылар, мәдениеттанушылар, сонымен қатар мұражай қызметкерлері мен Қазақстан, Түркия, Ресей, Башқұртстан, Молдова, Украина, Әзірбайжан, Түркменстан, Қырғызстан және Өзбекстан университеттерінің мамандары қатысады. Конференцияда қазіргі Қазақстандағы және көрші елдердегі археологиялық ғылымның дамуы, этнология тарихы, Қазақстанның әлеуметтік-мәдени тарихы, ескерткіштер, жеке тұлғаның ғылымдағы рөлі талқыланады.

      Сіздерді құрып кету қаупі бар дала өркениетінің табиғатына қайта оралуға және ежелгі дәуірдегі «Таңбалы» тас өнерімен танысуға шақырамыз.

Құрметпен,

Амиргалиев Мадияр Орынтаевич