Қазақстан Республикасының Ұлттық архивінің негізгі міндеті – елдің саяси, құқықтық және әлеуметтік-экономикалық дамуын объективті бағалауға ықпал ететін республиканың тәуелсіздігі мен егемендігі кезеңіндегі барлық жеткізгіштердегі құжаттарды қабылдау, есепке алу, сақтау және пайдалануды қамтамасыз ету.

Қазақстан Республикасының Ұлттық архиві өзінің қызметін «Ұлттық архив қоры және архивтер» Заңына сәйкес жүзеге асырады және Қазақстан халықтарының тарихи-мәдени мұраларының ажырамас бөлігі болып табылатын, халықтың материалдық және рухани өмірін айқындайтын, тарихи, ғылыми, әлеуметтік-құқықтық, экономикалық, мәдени маңызы бар архивтік құжаттардың тарихи қалыптасқан және үнемі толығып отыратын жиынтығынан тұрады.

Қазақстан Республикасы Ұлттық архивінің қызметі туралы ақпаратты көрсетіп отыру өте маңызды. Сіздерге өз сұрақтарыңызды қоюды, ұсыныстарыңызды білдіруді және Архивтің жұмысы туралы ой-пікірлеріңізбен бөлісуді ұсынамын.