Сатаев А.Қ.

Ш.Айманов атындағы «Қазақфильм» АҚ президенті

Режиссер, продюсер, Қазақстанның еңбек сіңірген қайраткері, ҚР Мемлекеттік сыйлықтың лауреаты Ақан Қарғамбайұлы Сатаев.

1971 жылы, 23 желтоқсанда Қарағанды қаласында дүниеге келген. 1994 жылы Т.Жүргенов атындағы Қазақ ұлттық өнер академиясының кино және телевидение факультетін тəмамдаған.

2003 жылы Sataifilm студиясының негізін қалап, 2007 жылы «Рэкетир» атты алғашқы толықметражды фильмін түсіреді.

Режиссер түсірген соңғы жұмыстарының бірі – «Томирис» тарихи фильмі. Көрермендердің ереше ықыласына бөленіп, отандық прокатта көшбасшылардың қатарынан көрінген туынды жақын арада халықаралық деңгейде көрсетілімге шықпақ. 

Фильмография: 

«Рэкетир» (2007), «Ағайынды» (2009), «Адасқан» (2009), «Ликвидатор» (2011), «Жаужүрек мың бала» (2012), «Бауыржан Момышұлы» (2013), «Хакер» (2014), «Рэкетир 2» (2015), «Районы» (2016), «Анаға апарар жол» (2016), «Она» (2017), «Елбасы жолы. Астана» (2018), «Бизнесмены» (2018), «Томирис» (2019).