Мухангалиев Қ.Ж.

«Құрманғазы атындағы Қазақ мемлекеттік академиялық ұлттық аспаптар оркестрі» РМҚК директоры

Мухангалиев Қуанышбек Жанболатұлы 1987 жылы 5 қаңтарда Батыс Қазақстан облысы, Қазталов ауданында дүниеге келген.

2005-2009 жылдар аралығында Құрманғазы атындағы Қазақ Ұлттық консервоториясында «Дәстүрлі музыкалық өнер» кафедрасында білім алып, концерттік орындаушы, мұғалім мамандығын иеленген.

2009-2011 жылдары Құрманғазы атындағы Қазақ Ұлттық консервоториясында «Өнертану» мамандығы бойынша магистр атанды.

2016-2018жж. Орал қаласындағы Батыс Қазақстан инновациялық-технологиялық университетінде «Мемлекеттік және жергілікті басқару» мамандығы бойынша білім алған.

 Еңбек жолын 2003 жылы Ғ.Құрманғалиев атындағы Батыс Қазақстан облыстық филармониясының Дәулеткерей атындағы халық аспаптары оркестрінде артист қызметімен бастаған. 

2006-2014жж. Құрманғазы атындағы Қазақ мемлекеттік академиялық халық аспаптары оркестрінде жетекші артист қызметін атқарған.

2014-2015жж. ҚР Мәдениет және ақпарат министрлігінде мәдениет комитетінің инспекторы, сонымен қатар ҚР Мәдениет және спорт министрлігі, мәдениет және өнер істері комитетінде кинематография және театр басқармасының бас сарапшысы болып жұмыс жасаған.

2015-2016жж. ҚР Мәдениет және спорт министрлігінің мәдениет және өнер істері департаменті музыкалық өнер бас сарапшысы қызметін атқарған.

2017 жылы ҚР Мәдениет және спорт министрлігінің мәдениет және өнер істері бойынша департаментінің музей, кітапхана басқармасы басшысының қызметін атқарған.

2017 жылдан бастап 2019 жылдың шілде айына дейін Орал қаласы Мәдениет және тілдерді дамыту басқармасының басшысы болып жұмыс атқарған.

Бірнеше Республикалық және Халықаралық конкурстардың лауреаты атанған. ҚР Мәдениет және спорт министрлігі халықтар ассамблеясы төрағасының мәдениет пен өнердің дамуына қосқан үлесі үшін алғыс хатын,  «Қазақ хандығының 550 жылдығына» орай ескерткіш медалін,  ҚР Мәдениет және спорт министрлігінің, сонымен қатар, Астана (қазіргі Нұр-сұлтан қаласы) қаласының және БҚО әкімдерінің алғыс хаттарын алған.

2018 жылы «Мәдениет саласының үздігі» медаліне ие болған. 

2011-2013 жылдары негізгі жұмысымен қатар Алматы қаласында Құрманғазы атындағы Қазақ Ұлттық консерваториясының дәстүрлі музыка кафедрасында, 2016-2017 жылдары Астана (қазіргі Нұр-сұлтан қаласы) қаласындағы Қазақ Ұлттық Өнер университетінде ұстаздық еткен. 

«Нұр Отан» партиясының мүшесі.

Үйленген, үш баласы бар.