Ашық үкімет блогындағы жеке парақшама қош келдіңіздер!

«Қазақконцерт» мемлекеттік концерттік ұйымының басты мақсаты – озық музыкалық шығармаларды насихаттау, жоғары сапалы көркем музыкалық концерттік бағдарламаларды жасау, үздік өнер туындыларының халыққа қолжетімділігін қамтамасыз ету, отандық музыка өнерін дамытуға үлес қосу.

«Қазақконцерт» ұйымында еліміздің үздік әртістері мен шығармашылық ұжымдары бас қосқан. Қазақконцертте барлық музыкалық өнердің жанрлары ұсынылған: фольклор, классика, эстрада, мюзикл театры. Шығармашылық құрамға «Астана сазы» фольклорлық-этнографиялық ансамблі, «Форте трио» мемлекеттік триосы, «Солистер академиясы» мемлекеттік камералық оркестрі, «Astana Musical» мемлекеттік театры, эстрадалық әншілер мен топтар кіреді.

Осы блог ашық диалог алаңына айналып, сіздермен тығыз қарым-қатынас орнатудың және өзара ақпарат алмасудың тиімді құралы болады деп есептеймін.

Сіздердің ұсыныстарыңыз бен пікірлеріңіз концерттік қызметті дамытуға бағытталған игі бастамалардыжүзеге асыруға зор үлес қосатынына сенімдімін.